மாயாவுக்கு முதல் வெற்றியை வழங்கிய செரீனா

அமெரிக்க டென்னிஸ் நட்சத்திரமான செரீனா வில்லியம்ஸ் (44) ஓய்வு முடிவை திரும்பப் பெற்று 4 ஆண்டுகளுக்குப் பிறகு மீண்டும் களத்துக்குத் திரும்பியிருக்கும் நிலையில், விம்பிள்டன் டென்னிஸின் முதல் சுற்றில் தோல்வி கண்டார்.

- 

23 முறை கிராண்ட்ஸ்லாம் சாம்பியனான அவர், 3-6, 7-6 (8/6), 3-6 என்ற செட்களில், உலகத் தரவரிசையில் 87-ஆம் இடத்திலிருக்கும் ஆஸ்திரேலியாவின் மாயா ஜாய்ன்ட்டிடம் (20) தோல்வியுற்றார்.

விம்பிள்டனில் 98 கேரியர் வெற்றிகளைப் பதிவு செய்துள்ள செரீனாவின் இந்தத் தோல்வி, மாயாவுக்கு விம்பிள்டனில் முதல் வெற்றியை வழங்கியிருப்பது குறிப்பிடத்தக்கது. விம்பிள்டனில் 7 முறை வாகை சூடியிருக்கும் செரீனா, கடைசியாக இங்கு 10 ஆண்டுகளுக்கு முன்பு (2016) சாம்பியன் பட்டம் வென்றது நினைவுகூரத்தக்கது.