கர்நாடகத்தில் 'தக் லைஃப்' படத்துக்கு விதிக்கப்பட்ட தடை ஏற்புடையதல்ல

மத்திய திரைப்பட தணிக்கை சான்றிதழ் பெற்ற ஒரு திரைப்படத்தை சிலர் மிரட்டுகிறார்கள் என்பதற்காக அதை வெளியிடாமல் தடை செய்வது ஏற்புடையதல்ல என்று உச்ச நீதிமன்றம் செவ்வாய்க்கிழமை கருத்து தெரிவித்தது.

- நமது நிருபர்

நமது நிருபர் புது தில்லி, ஜூன் 17:

இந்த விவகாரத்தில் கர்நாடக அரசு புதன்கிழமை (ஜூன் 18) பதில் மனு தாக்கல் செய்ய உச்சநீதிமன்றம் உத்தரவிட்டது.

கமல்ஹாசன் நடிப்பில் மணிரத்னம் இயக்கத்தில் உருவான 'தக் லைஃப்' திரைப்படம் ஜூன் 5-ஆம் தேதி வெளி யானது. சென்னையில் நடைபெற்ற அதன் தமிழ்ப்பட வெளியீட்டு விழாவில், தமிழில் இருந்துதான் கன்னடம் பிறந்ததாக கமல் பேசியது கர்நாடகத்தில் சர்ச்சையானது. அவருக்கு எதிராக கர்நாடகத்தில் எதிர்ப்பு கிளம்பியது.

அதன் விளைவாக, கமல் மன்னிப்பு கேட்கும்வரை படத்தை திரையிட முடியாது என கன்னட திரைப்பட வர்த்தக சபை அறிவித்தது. கர்நாடக உயர்நீதி மன்றத்திலும் இந்த விவகாரம் தொடர்பான வழக்கு நிலுவையில் உள்ளது.