காவல் துறை பணியிடங்களை நிரப்ப நடவடிக்கை

எதிர்க்கட்சித் தலைவருக்கு முதல்வர் மு.க.ஸ்டாலின் பதில்

- 

சென்னை, ஏப். 28: காவல் துறையில் ஏற்படும் காலிப் பணியிடங்களை விரைந்து நிரப்ப நடவடிக்கை எடுக்கப்பட்டு வருவதாக, எதிர்க்கட்சித் தலைவர் எடப்பாடி கே.பழனிசாமிக்கு முதல்வர் மு.க.ஸ்டாலின் பதிலளித்தார்.

இதுதொடர்பாக, சட்டப் பேரவையில் காவல் துறை மானியக் கோரிக்கை மீது திங்கள்கிழமை நடந்த விவாதம்:

எதிர்க்கட்சித் தலைவர் எடப்பாடி கே.பழனிசாமி: அதிமுக ஆட்சியில் காவல் துறை காலிப் பணியிடங்கள் உடனுக்குடன் நிரப்பப்பட்டன. 61,308 பேருக்கு பதவி உயர்வு வழங்கியதுடன், 2-ஆம் நிலை காவலர் பணியிடங்களில் 38,288 பேரும், உதவி ஆய்வாளர் பணியில் 1,528 பேரும், காவல் இணை கண்காணிப்பாளர் பணியில் 133 பேரும் நியமிக்கப்பட்டனர். புதிதாக நபர்களை பணியில் அமர்த்த எடுக்கப்பட்ட நடவடிக்கைகள் மூலம் காவல் துறையில் காலிப் பணியிடங்களின் எண்ணிக்கை 2 சதவீதமாகக் குறைந்தது. திமுக ஆட்சியில் காவல் துறையில் எவ்வளவு இடங்கள் காலியாக உள்ளன என்பது கொள்கை விளக்கக் குறிப்பில் தெரிவிக்கப்படவில்லை.