பணியிடங்களில் கர்ப்பிணிகளுக்கு உரிய சட்ட பாதுகாப்பு: உச்சநீதிமன்றம்

பணியிடங்களில் கர்ப்பிணிகளுக்கு உரிய சட்ட பாதுகாப்பை அளிப்பதும் பாகுபாடு காட்டப்படாததும் மிக அவசியம் என்று உச்சநீதிமன்றம் வெள்ளிக்கிழமை தெரிவித்தது.

- 

புது தில்லி, பிப். 28:

மத்திய பிரதேச மாநிலத்தில் இரு பெண் நீதிபதிகள் பணி நீக்கம் செய்யப்பட்டதை ரத்து செய்து தீர்ப்பளித்தபோது இந்தக் கருத்தை உச்சநீதிமன்றம் தெரிவித்தது.

பணியில் திருப்திகரமான செயல்பாடு இல்லை என்ற அடிப்படையில் 6 மாவட்ட பெண் நீதிபதிகள் மத்திய பிரதேச மாநில அரசு பணி நீக்கம் செய்து உத்தரவிட்டது. இந்த உத்தரவை மறுபரிசீலனை செய்த மாநில உயர் நீதிமன்றம், ஜோதி வர்கடே, சோனாக்ஷி ஜோஷி, ப்ரியா சர்மா, ரச்னா அதுல்கர் ஜோஷி ஆகிய நால்வரை சில நிபந்தனைகளுடன் மீண்டும் நீதிபதிகளாக பணியமர்த்தியது. ஆனால், அதிதி குமார் சர்மா, சரிதா சௌதரி ஆகிய இரு நீதிபதிகளின் பணி நீக்கத்தை உயர் நீதிமன்றம் உறுதி செய்தது.