தொழில் தொடங்க கடன் தருவதாக கூறி ரூ.17 லட்சம் மோசடி செய்த மூவர் கைது

அரியலூர் அருகே தொழில் தொடங்க கடன் தருவதாகக் கூறி தஞ்சாவூர் விவசாயிடம் ரூ.17 லட்சம் மோசடி செய்த 3 பேரை ஞாயிற்றுக்கிழமை இரவு கைது செய்தனர்.

- 

தஞ்சாவூர் மாவட்டம், களிமேடு கிராமத்தைச் சேர்ந்தவர் கோவிந்தராஜன் மகன் கோபிநாதன் (43). விவசாயியான இவர், தனது நிலத்தை அடகு வைத்து ரூ.6 கோடி பணம் பெற்று சொந்தமாக தொழில் தொடங்க பல கடன் நிதி நிறுவனங்களை அணுகி வந்துள்ளார்.

இதனையறிந்த திருப்பூர் மாவட்டம், வாவிபாளையம் கிராமத்தைச் சேர்ந்த செல்வராஜ் (55), ஏமாற்றும் நோக்கத்தில் கோபிநாதனை கைப்பேசியில் தொடர்பு கொண்டு தனது பெயர் சக்கரவர்த்தி நான் பைனான்சியர் என அறிமுகப்படுத்திக் கொண்டு, ரூ.6 கோடி கடன் வழங்க ரூ.1 கோடிக்கு ரூ.2 லட்சம் வீதம் ரூ.12 லட்சத்துக்கு ரூ.25 ஆயிரம் மதிப்பில் முத்திரைத்தாள்கள் பத்திரம் வாங்கி அதனை ஸ்கேன் செய்து கட்செவியில் அனுப்புமாறு கூறியுள்ளார்.