தங்கத்தில் முதலீடு செய்யலாமா?

த்தனை சவரன் தங்கம் வாங்கி வைத்தாலும் தங்கத்தின் மீதான மோகம் மட்டும் நமக்கு குறையவே குறையாது. தங்கம் நம்முடைய கௌரவத்தின் ஓர் அடையாளமாக மட்டுமல்லாமல், ஓர் அவசரகால தேவைக்கு உடனடியாக அடகு வைத்து பணமாக மாற்றக்கூடிய பொருளாகவும் இருந்து வருகிறது. எனவேதான், வறுமையில் இருக்கும் குடும்பம்முதல் பெரும் பணக்காரர்கள்வரை தங்கத்தை வாங்குவதில் அதிக கவனம் செலுத்துகின்றனர்.

- எம்.சடகோபன்

இந்தியாவில் தங்கம் விலை என்பது சர்வதேச காரணிகள் மற்றும் இந்தியச் சந்தையில் அதன் தேவை ஆகிய இரண்டையும் அடிப்படையாகக் கொண்டுதான் நிர்ணயம் செய்யப்படுகிறது. தங்கத்தின் விலை நாள்தோறும் மாற்றம் காண்கிறது. 2025-ஆம் ஆண்டு தொடங்கியதில் இருந்து தற்போது வரை மட்டும் இந்தியச் சந்தையில் தங்கத்தின் விலை சுமார் 30% வரை உயர்ந்துள்ளது.

தற்போதைய நிலவரப்படி 24 காரட் தங்கத்தின் விலை 10 கிராம் ரூ. 1.03 லட்சத்தைத் தாண்டி விற்பனை ஆகி வருகிறது. அதேபோன்று, ஒரு கிலோ வெள்ளி விலை ரூ.1.20 லட்சத்தைக் கடந்து விற்பனையாகிறது.

ஜனவரி மாதத்தில் ஒரு கிராம் ரூ.7,500 என இருந்த 22 காரட் ஆபரணத் தங்கம் விலை இப்போது ரூ. 9,500 என்ற விலையில் உள்ளது. 24 காரட் தங்கம் ஒரு கிராம் ரூ.8,000-லிருந்து இப்போது ரூ.10,000-த்தைத் தாண்டி விற்பனையாகிறது.

தங்கத்தின் விலை கரோனா காலத்திற்குப் பிறகுதான் மிக வேகமாக அதிகரித்திருக்கிறது என்று சொல்லலாம். இந்திய சந்தையில் தங்கத்தின் விலை ஒரு லட்சம் ரூபாய்க்கும் அதிகமான மைல்கல்லை எப்போதோ கடந்து விட்டது.