ரயில்வே காவல் ஆய்வாளர் மீது நடவடிக்கை எடுக்க உத்தரவு

தற்கொலை வழக்கில் நீதிமன்றத்துக்குத் தவறான தகவல் கொடுத்த தாம்பரம் ரயில்வே காவல் ஆய்வாளர் மீது நடவடிக்கை எடுக்க ஐஜி-க்கு சென்னை உயர்நீதிமன்றம் உத்தரவிட்டது.

- 

சென்னை, ஆக.2:

சென்னை உயர்நீதிமன்றத்தில் நெய்வேலியைச் சேர்ந்த கலா என்பவர் தாக்கல் செய்த மனுவில், தாம் பரத்தில் கடந்த ஏப்.10-ஆம் தேதி எனது மகன் தற்கொலை செய்து கொண்டார். இதுகுறித்து தாம்பரம் ரயில் நிலைய காவல் ஆய்வாளர் வழக்குப் பதிவு செய்தார். என் மகனை காதலித்த பெண், அவனுக்கு பல வழிகளில் தொல்லை கொடுத்துள்ளார். இதுதொடர்பாக எனது மகன் காதலித்த பெண்ணுக்கு வாட்ஸ் ஆப் மூலம் செய்தி அனுப்பியுள்ளார்.