ஆக. 1 முதல் மேற்கு வங்கத்தில் செயல்படுத்த வேண்டும்: மத்திய அரசுக்கு கொல்கத்தா உயர்நீதிமன்றம் உத்தரவு

மேற்கு வங்கத்தில் நிதி முறைகேடுகள் காரணமாக கடந்த 3 ஆண்டுகளுக்கும் மேலாக நிறுத்திவைக்கப்பட்டுள்ள தேசிய ஊரக வேலைவாய்ப்புத் திட்டத்தை வரும் ஆகஸ்ட் 1-ஆம் தேதி முதல் மீண்டும் செயல்படுத்துமாறு மத்திய அரசுக்கு கொல்கத்தா உயர்நீதிமன்றம் உத்தரவிட்டது.

- 

கொல்கத்தா, ஜூன் 18:

திரிணமூல் காங்கிரஸ் ஆளும் மேற்கு வங்கத்தின் புர்பா வர்த்மான், ஹுக்ளி, மால்டா, டார்ஜிலிங் ஆகிய 4 மாவட்டங்களில் தேசிய ஊரக வேலைவாய்ப்புத் திட்டத்தில் பணியாளர்களுக்கு ஊதியம் வழங்கப்படுவதில் முறைகேடு நடைபெற்றதாக குற்றச்சாட்டு எழுந்தது. இதையடுத்து, மேற்கு வங்கத்துக்கு இத்திட்டத்துக்கான நிதி ஒதுக்கீட்டை மத்திய அரசு கடந்த 2022, மார்ச் முதல் நிறுத்தியது.