நெல்லையில் மாநில மனித உரிமைகள் ஆணையம் விசாரணை

திருநெல்வேலி வண்ணார்பேட்டையில் உள்ள அரசு விருந்தினர் மாளிகையில், மாநில மனித உரிமைகள் ஆணைய உறுப்பினர் கண்ணதாசன் பல்வேறு வழக்குகள் குறித்து வெள்ளிக்கிழமை விசாரணை நடத்தினார்.

- 

திருநெல்வேலி, செப்.12:

இதில், திருநெல்வேலி, தென்காசி, தூத்துக்குடி, கன்னியாகுமரி மாவட்டங்களில் உள்ள மனித உரிமை மீறல்கள் தொடர்பான வழக்குகள் விசாரிக்கப்பட்டன. மணிமுத்தாறு பேரூராட்சிக்கு உட்பட்ட திருப்பணியாபுரம் மலைக்கிராம மக்கள் தங்களுக்கு மின்சாரம், சாலை உள்ளிட்ட அடிப்படை வசதிகளை ஏற்படுத்தவிடாமல் வனத்துறையினர் தடுத்து வருவதாக புகார் அளித்திருந்தனர்.

இந்த வழக்கு விசாரணைக்கு வந்தபோது வனத்துறை, வருவாய்துறை, மின்சார வாரிய அதிகாரிகள் கலந்து கொண்டனர்.