6 ஆண்டுகளாக தேர்தலில் போட்டியிடாத கட்சிகள்

தேர்தல் ஆணையம் நோட்டீஸ்

- 

திருநெல்வேலி, ஆக.18: திருநெல்வேலி மாவட்ட முகவரியைக் கொண்டு பதிவு செய்யப்பட்ட கட்சிகள் கடந்த 6 ஆண்டுகளாக தேர்தலில் போட்டியிடாதது குறித்து விளக்கம் கேட்டு அக்கட்சிகளுக்கு தேர்தல் ஆணையம் நோட்டீஸ் அனுப்பியுள்ளது.

இது தொடர்பாக, மாவட்ட ஆட்சியர் இரா.சுகுமார் வெளியிட்டுள்ள செய்திக்குறிப்பு: கடந்த 6 ஆண்டுகளாக நடைபெற்ற எந்தத் தேர்தல்களிலும் போட்டியிடாத அங்கீகரிக்கப்படாத பதிவு செய்யப்பட்ட அரசியல் கட்சிகளின் பதிவினை ரத்து செய்திட மத்திய தேர்தல் ஆணையம் உத்தேசித்துள்ளது.

மக்கள் பிரதிநிதித்துவச் சட்டம் 1951-ன் பிரிவு 29ஏ விதிகளின் கீழ் அரசியல் கட்சிகள் மத்திய தேர்தல் ஆணையத்தில் பதிவு செய்யப்படுகின்றன.