உப்பளத் தொழிலாளர்களுக்கு நலவாரியம்: எடப்பாடி கே.பழனிசாமி

அதிமுக ஆட்சிக்கு வந்ததும் உப்பளத் தொழிலாளர்களுக்கு நலவாரியம் அமைக்கப்படும் என்றார் அதிமுக பொதுச்செயலர் எடப்பாடி கே.பழனிசாமி.

- 

திருச்செந்தூர்/ஸ்ரீவைகுண்டம்: ஆக. 2: அதிமுக ஆட்சிக்கு வந்ததும் உப்பளத் தொழிலாளர்களுக்கு நலவாரியம் அமைக்கப்படும் என்றார் அதிமுக பொதுச்செயலர் எடப்பாடி கே.பழனிசாமி.

மக்களைக் காப்போம், தமிழகத்தை மீட்போம் என்ற பிரசார பயணம் மேற்கொண்டுள்ள அவர், திருச்செந்தூர் வ.உ.சி. திடலில் சனிக்கிழமை பேசியதாவது: முருகனை வணங்குவதற்காக உலக அளவில் பக்தர்கள் வந்து செல்லும் புண்ணிய பூமி திருச்செந்தூர். இங்கு விவசாயிகள், மீனவர்கள், பனைத்தொழிலாளர்கள் நிறைந்துள்ளனர்.

அதிமுக ஆட்சி காலத்தில் மீனவர்களுக்கு பல்வேறு உதவிகளைச் செய்துள்ளோம்; இனியும் செய்வோம். மீண்டும் ஆட்சிக்கு வந்தவுடன் உப்பளத்தொழிலாளர்களுக்கு நலவாரியம் அமைத்து, மழைக்காலத்தில் நிவாரணம் வழங்குவோம். அதிமுக ஆட்சியில் கொண்டுவரப்பட்ட அம்மா ஆரோக்கியம் திட்டம் தற்போது நலன் காக்கும் ஸ்டாலின் திட்டம் என பெயர் மாற்றப்பட்டுள்ளது.

50 மாத கால ஆட்சிக்குப்பிறகு மக்களிடம் மீண்டும் மனு வாங்குகிறார்கள். வாக்குறுதிகளை நிறைவேற்றினால் ஏன் மனு வாங்க வேண்டும்?