திமுக கூட்டணிக் கட்சிகளை விமர்சிப்பதா? எடப்பாடி பழனிசாமிக்கு கே.என்.நேரு கண்டனம்

'கூட்டணி ஆட்சி எனக் கூறிவரும் மத்திய உள்துறை அமைச்சர் அமித் ஷாவுக்கு உரிய பதிலடி தர முடியாத அதிமுக பொதுச்செயலர் எடப்பாடி கே.பழனிசாமிக்கு திமுக கூட்டணிக் கட்சிகளை விமர்சிக்கத் தகுதி இல்லை' என அமைச்சர் கே.என்.நேரு கண்டனம் தெரிவித்துள்ளார்.

- 

சென்னை, ஜூலை 19:

இதுகுறித்து அவர் சனிக்கிழமை வெளியிட்ட அறிக்கை: அதிமுக பொதுச்செயலர் எடப்பாடி கே.பழனிசாமி, கோவை பயணத்தில் கம்யூனிஸ்ட் கட்சி கொஞ்சம் கொஞ்சமாக தேய்ந்து கொண்டே செல்கிறது என்றார். சிதம்பரம் பயணத்தில், கூட்டணியில் சேர விசிக, கம்யூனிஸ்ட் கட்சிகளுக்கு வெளிப்படையாக அழைப்பு விடுத்தார்.

அவரது இந்த பேச்சைக் கேட்டு, வாக்காளர்கள் குழம்பிக் கொண்டிருக்கிறார்கள். அவர் விடுத்த அழைப்பை கம்யூனிஸ்ட் கட்சிகளும், விடுதலைச் சிறுத்தைகள் கட்சியும் நிராகரித்திருக்கின்றன.