ஆட்டிசம் விழிப்புணர்வு அவசியம்!

பொ.ஜெயச்சந்திரன்

- பொ.ஜெயச்சந்திரன்

கடந்த 2007-ஆம் ஆண்டின் கடைசி கயில் ஐக்கிய நாடுகள் சபையால் உலக ஆட்டிசம் விழிப்புணர்வு நாள் ஏற்படுத்தப்பட்டு, ஒவ்வொரு ஆண்டும் ஏப்ரல் 2-ஆம் நாளன்று அதைக் கடைப்பிடித்து வருகின்றனர்.

ஆட்டிசம் எனப்படும் மன இறுக்கம், பெருமூளை வாதம், மன வளர்ச்சிக் குறைவு, பல்வகை குறைபாடு ஆகியவை மூளை வளர்ச்சி அல்லது மத்திய நரம்பு மண்டலம் ஆகியவற்றில் காயம் ஏற்படுவதால்தான் தோன்றுகின்றன. கருவிலிருக்கும்போதோ, பிறக்கும்போதோ, அல்லது பிறந்த பின்னரோ மூளைக்கு ஆக்சிஜன் செல்வது பல்வேறு சூழல்களால் தடைபடும்போது இக்குறைபாடுகள் ஏற்படும். இத்தகைய சூழல்களால்தான் இந்தக் குறைபாடுகள் ஏற்படுகின்றனவே தவிர, இதற்கு நோய்கள் காரணம் அல்ல.

இந்த குறையானது, ஒருவருடைய தகவல் தொடர்பு, அறிவாற்றல் மற்றும் அவர் நடந்து கொள்ளும்விதத்தைப் பாதிக்கிறது. ஆட்டிசத்தைப் பல தரப்பட்ட தன்மையைக் கொண்ட ஒரு குறைபாடு என்பார்கள். காரணம், இதன் அறிகுறிகளும், பண்புகளும் குழந்தைகளிடம் பலவிதமாகக் காணப்படுகின்றன. அவர்களை வெவ்வேறு வகைகளில் பாதிக்கின்றன. சில குழந்தைகளுக்கு இதைச் சமாளிப்பதில் பெரிய சவால்கள் ஏற்படக்கூடும். அவர்களுக்குப் பிறருடைய உதவி தேவைப்படும். ஆனால் ஆட்டிசம் பாதிக்காமல், வேறு சில பிரச்னைகள் உள்ள குழந்தைகள், தங்களுடைய பெரும்பாலான வேலைகளைச் சுதந்திரமாகச் செய்வார்கள். அபூர்வமாக, சில சிறிய உதவிகள் மட்டுமே அவர்களுக்குத் தேவைப்படும்.