தில்லி, மும்பை உயர்நீதிமன்றங்களுக்கு வெடிகுண்டு மிரட்டல்

விசாரணையிலிருந்து பாதியிலேயே வெளியேறிய நீதிபதிகள்

- 

புது தில்லி/ மும்பை, செப். 12: தில்லி, மும்பை உயர்நீதிமன்றங்களுக்கு மின்னஞ்சல் மூலம் வெள்ளிக்கிழமை வெடிகுண்டு மிரட்டல் விடுக்கப்பட்டது. இதையடுத்து இரு இடங்களிலும் போலீஸார் நடத்திய சோதனையில் இந்த மிரட்டல்கள் வெறும் புரளி என்பது தெரியவந்தது.

வெடிகுண்டு மிரட்டல் வந்ததைத் தொடர்ந்து, தில்லி உயர்நீதிமன்றத்தில் வழக்குகளை விசாரணை மேற்கொண்டிருந்த நீதிபதிகள் உடனடியாக விசாரணையை முடித்துக்கொண்டு பாதியிலேயே வெளியேறினர்.

சோதனையில், வெடிகுண்டு மிரட்டல் வெறும் புரளி எனத் தெரிய வந்தது.

முன்னெச்சரிக்கை நடவடிக்கையாக நீதிபதிகள், வழக்குரைஞர்கள் மற்றும் ஊழியர்கள் நீதிமன்ற வளாகத்தை விட்டு வெளியேறுமாறு கேட்டுக் கொள்ளப்பட்டனர். பல அமர்வுகளில் நீதிபதிகள் திடீரென எழுந்து வழக்கு விசாரணைகளை ஒத்திவைத்து விட்டு வெளியேறினர்.