சென்னையில் போராட்டத்தில் ஈடுபட்ட தூய்மைப் பணியாளர்கள் நள்ளிரவில் கைது

சென்னை மாநகராட்சி ரிப்பன் கட்டடம் முன் போராட்டத்தில் ஈடுபட்ட தூய்மைப் பணியாளர்கள் புதன்கிழமை நள்ளிரவில் கைது செய்யப்பட்டனர்.

- 

சென்னை, ஆக. 13:

சென்னை மாநகராட்சி 5, 6-ஆவது மண்டலங்களின் தூய்மைப் பணியை தனியாருக்கு வழங்கியதற்கு எதிர்ப்புத் தெரிவித்தும், பணிப் பாதுகாப்பு, ஊதிய உயர்வு உள்ளிட்ட கோரிக்கைகளை வலியுறுத்தியும் தூய்மைப் பணியாளர்கள் ரிப்பன் கட்டடம் முன் கடந்த 13 நாட்களாகப் போராட்டத்தில் ஈடுபட்டு வந்தனர். அமைச்சர்கள் கே.என்.நேரு, பி.கே. சேகர்பாபு உள்ளிட்டோர் தலைமையில் போராட்டக் குழுவினருடன் பலகட்டப் பேச்சுவார்த்தை நடத்தப்பட்டது. இருப்பினும் சுமுக முடிவு ஏற்படவில்லை.

இதனிடையே, தூய்மைப் பணியாளர்கள் போராட்டம் தொடர்பாக சென்னை உயர்நீதிமன்றத்தில் தொடரப்பட்ட வழக்கில், நடைபாதையை ஆக்கிரமித்து போராட்டம் நடத்த அனுமதிக்கக் கூடாது என காவல் துறைக்கு உயர்நீதிமன்றம் புதன்கிழமை உத்தரவிட்டது.