கொடிக் கம்பங்களுக்கு தனி இடம் சாத்தியமா? உயர்நீதிமன்றம் கேள்வி

தமிழகத்தில் பொதுமக்களுக்கும், போக்குவரத்துக்கும் இடையூறு இல்லாமல் கொடிக் கம்பங்களை அமைக்க தனி இடம் ஒதுக்குவது சாத்தியமா? என சென்னை உயர்நீதிமன்ற மதுரை அமர்வு புதன்கிழமை கேள்வி எழுப்பியது.

- 

மதுரை, ஆக. 6:

தமிழகத்தில் பொது இடங்கள், சாலையோரங்களில் உள்ள அரசியல் கட்சிகளின் கொடிக் கம்பங்களை அகற்ற வேண்டும் என சென்னை உயர்நீதிமன்ற மதுரை அமர்வு நீதிபதி ஜி.கே. இளந்திரையன் கடந்த ஜனவரி மாதம் உத்தரவிட்டார். இந்த உத்தரவை எதிர்த்து, மார்க்சிஸ்ட் கம்யூனிஸ்ட் கட்சி சார்பில் மேல்முறையீட்டு மனு தாக்கல் செய்யப்பட்டது.

இந்த மேல்முறையீட்டு மனு உயர்நீதிமன்ற நீதிபதிகள் எஸ்.எம். சுப்பிரமணியம், சௌந்தர், விஜயகுமார் ஆகிய மூன்று பேர் அமர்வில் கடந்த மாதம் விசாரணைக்கு வந்தது.

அப்போது, கொடிக் கம்பங்கள் விவகாரம் தொடர்பாக இடையீட்டு மனுக்கள் தாக்கல் செய்ய விரும்பும் அரசியல் கட்சிகள் ஆக. 5-ஆம் தேதிக்குள் மனுக்களைத் தாக்கல் செய்யலாம். அதுவரை தற்போதுள்ள நிலையே தொடரும் என நீதிபதிகள் உத்தரவிட்டனர்.