கடலூர் அருகே ரயில் விபத்து யார் காரணம்? அதிகாரிகள் விளக்கம்

கடலூர் அருகே ரயில்-பள்ளி வேன் மோதல் விபத்துக்கு வேன் ஓட்டுநரின் கவனக்குறைவும், கேட் கீப்பரின் (கடவுப்பாதை பணியாளர்) விதிமீறலுமே காரணம் என ரயில்வே அதிகாரிகள் கூறுகின்றனர்.

- 

சென்னை, ஜூலை 8:

சென்னையை தலைமையிடமாகக் கொண்ட தெற்கு ரயில்வே கோட்டங்களில் மொத்தம் 1643 ரயில்வே கடவுப் பாதைகள் உள்ளன. அவை அனைத்திலும் கடவுப் பாதை பணியாளர்கள் நியமிக்கப்பட்டுள்ளனர். கடவுப் பாதைகள் 'இன்டர்லாக்டு கேட் (எல்சிஎஸ்), 'நான்-இன்டர்லாக்டு கேட்' என இரு தொழில்நுட்ப முறைகளில் அமைக்கப்பட்டுள்ளன. அதன்படி, தெற்கு ரயில்வேயில் 1,367 'இன்டர்லாக்டு கேட்'-களும், 276 'நான்-இன்டர்லாக்டு கேட்'-களும் உள்ளன.

'இன்டர்லாக்டு கேட்' என்பது, ரயில் வருவதற்கு முன்பாக 5 அல்லது 10 நிமிஷங்களுக்கு முன்னதாக கடவுப் பாதை அடைக்கப்படும். ரயில் சென்ற பிறகே கேட்டை திறக்கமுடியும்.