வழக்குரைஞர்கள் பதிவுக்கு கூடுதல் கட்டணங்களை வசூலிக்கக் கூடாது

சட்டப்படிப்பை முடித்து வழக்குரைஞர்களாகப் பதிவு செய்பவர்களிடம், சட்டப்பூர்வ கட்டணங்களைத் தவிர, வேறு எந்த கூடுதல் கட்டணத்தையும் வழக்குரைஞர் சங்கங்கள் வசூலிக்கக் கூடாது என உச்சநீதிமன்றம் மீண்டும் உத்தரவிட்டுள்ளது.

- 

புது தில்லி, ஆக. 9:

வழக்குரைஞர்கள் பதிவுக்கு அதிக கட்டணம் வசூலிக்கக் கூடாது என்று உச்சநீதிமன்றம் கடந்த ஆண்டு ஜூலையில் உத்தரவு பிறப்பித்தது. அதிக கட்டணம் வசூலிப்பது விளிம்புநிலை மற்றும் பொருளாதாரத்தில் பின்தங்கிய பிரிவினரை பாதிப்பதாகவும், சட்டத்துறையில் அவர்களின் பங்களிப்பைக் குறைப்பதாகவும் உச்சநீதிமன்றம் கருதியது. மேலும், இது உண்மையான சமத்துவக் கொள்கைக்கு எதிரானது என்றும் குறிப்பிட்டது.