ஹிந்தி பேசுவது தாய்மொழிக்கு அவமதிப்பு அல்ல

மத்திய அமைச்சர் கிஷண் ரெட்டி

- 

ஹைதராபாத், ஜூலை 11: ஹிந்தி எதிர்ப்பு போராட்டங்கள் பெரும்பாலும் அரசியல் உள்நோக்கம் கொண்டவை; ஹிந்தி பேசுவது தாய்மொழிக்கு அவமதிப்பு அல்ல என்று மத்திய அமைச்சர் ஜி.கிஷண் ரெட்டி தெரிவித்தார்.

ஹிந்தியை திணிக்க முயல்வதாக தமிழகம், கர்நாடகத்தைப் போல மகாராஷ்டிரத்திலும் எதிர்ப்பு எழுந்துள்ளது. அந்த மாநில எதிர்க்கட்சிகளான சிவசேனை (உத்தவ்), மகாராஷ்டிர நவநிர்மாண் சேனை ஆகியவை, ஹிந்தி எதிர்ப்பை தீவிரமாக கையிலெடுத்துள்ளன.

மகாராஷ்டிரத்தில் 1 முதல் 5-ஆம் வகுப்பு வரை மூன்றாவது மொழியாக ஹிந்தியை கற்பிக்க பாஜக கூட்டணி அரசு முடிவு செய்த நிலையில், பல்வேறு தரப்பினரின் எதிர்ப்பால் வாபஸ் பெறப்பட்டது. மும்பையில் ஹிந்தியில் பேசிய கடைக்காரர் ஒருவர் தாக்கப்பட்ட சம்பவமும் பரபரப்பை ஏற்படுத்தியது.