முதல்வராக நீடிப்பேன்: சித்தராமையா

ஐந்து ஆண்டு காலத்துக்கும் முதல்வராகவே நீடிப்பேன் என்று கர்நாடக முதல்வர் சித்தராமையா தெரிவித்தார்.

- 

பெங்களூரு, ஜூலை 2: ஐந்து ஆண்டு காலத்துக்கும் முதல்வராகவே நீடிப்பேன் என்று கர்நாடக முதல்வர் சித்தராமையா தெரிவித்தார்.

முதல்வர் சித்தராமையாவுக்கும், துணை முதல்வர் டி.கே.சிவகுமாருக்கும் அதிகாரப் போட்டி நீடிப்பதாக தகவல்கள் வெளியாகிவரும் நிலையில் சித்தராமையா இவ்வாறு கூறினார்.

இதுகுறித்து சிக்பளாப்பூரில் செய்தியாளர்களிடம் புதன்கிழமை அவர் கூறியதாவது: எனது தலைமையிலான அரசு நிலைத்திருக்குமா என்பது குறித்து பாஜகவினர் பொய்களைப் பரப்பி வருகின்றனர். காங்கிரஸ் கட்சி ஒற்றுமையாக இருக்கிறது. ஐந்து ஆண்டுகளுக்கும் முதல்வராக நீடிப்பேன்.