வயதை துல்லியமாக கண்டறிய கூடுதல் எலும்பு பரிசோதனை

ஜூனியர் கிரிக்கெட்டில் வீரர், வீராங்கனைகளின் வயதை உறுதி செய்ய கூடுதலாக ஒரு முறை எலும்பு பரிசோதனை மேற்கொள்ள பிசிசிஐ முடிவு செய்துள்ளது.

- 

புது தில்லி, ஜூன் 16:

தற்போதைய '+1' நடைமுறையினால் சிலர் நூலிழையில் கூடுதலாக ஒரு சீசனில் விளையாடும் வாய்ப்பை இழப்பதால், அதைத் தவிர்ப்பதற்காக இந்த முடிவு மேற்கொள்ளப்பட்டுள்ளதாகத் தெரிவிக்கப்பட்டுள்ளது.

இது தொடர்பாக பிசிசிஐ வட்டாரங்கள் கூறியதாவது:

ஜூனியர் கிரிக்கெட்டில் ஆடவர் 16 வயதுக்கு உள்பட்டோர் பிரிவுக்கான எலும்பு வயது வரம்பு 16.4 அல்லது அதற்குக் குறைவாகும். மகளிர் 15 வயதுக்கு உள்பட்டோர் பிரிவுக்கான எலும்பு வயது வரம்பு 14.9 அல்லது அதற்குக் குறைவாகும்.