பாகிஸ்தானில் தங்கி இருந்தது ஏன்?

பாகிஸ்தானில் 15 தினங்களுக்கு தொடர்ச்சியாக தங்கி இருந்தது ஏன் என்று காங்கிரஸ் எம்.பி. கௌரவ் கோகோய்க்கு அஸ்ஸாம் முதல்வரும் பாஜக மூத்த தலைவருமான ஹிமந்த விஸ்வ சர்மா கேள்வி எழுப்பினார்.

- 

குவாஹாட்டி, ஏப். 27:

அஸ்ஸாமைச் சேர்ந்த காங்கிரஸ் எம்.பி. கௌரவ் கோகோயின் பெயரை குறிப்பிடாமல் அந்த மாநில முதல்வர் ஹிமந்த விஸ்வ சர்மா, எக்ஸ் வலைதளத்தில் ஞாயிற்றுக்கிழமை சில பதிவுகளை வெளியிட்டிருந்தார். அதில் அவர் கூறியிருப்பதாவது:

காங்கிரஸ் கட்சியைச் சேர்ந்த நாடாளுமன்ற உறுப்பினரிடம் சில கேள்விகளைக் கேட்க விரும்புகிறேன். நீங்கள் பாகிஸ்தானுக்குச் சென்று அங்கு 15 தினங்கள் தொடர்ச்சியாக தங்கியிருந்தீர்களா? அது உண்மை என்றால் உங்கள் பயணத்தின் நோக்கம் என்ன என்பதை தெளிவுபடுத்த முடியுமா?