இந்தியாவின் மருத்துவத் தலைநகர் தமிழ்நாடு

இந்தியாவின் மருத்துவத் தலைநகராக தமிழ்நாடு விளங்கி வருகிறது என முதல்வர் மு.க.ஸ்டாலின் பெருமிதத்துடன் தெரிவித்தார்.

- 

சென்னை, பிப். 26:

மருத்துவப் பணியாளர் தேர்வு வாரியம் மூலம் தேர்வு செய்யப்பட்ட 2,642 மருத்துவர்களுக்குப் பணி நியமன ஆணைகளை வழங்கும் விழா சென்னை திருவான்மியூரில் புதன்கிழமை நடைபெற்றது.

அவர்களில் 25 பேருக்கு அடையாளமாக பணி நியமன ஆணைகளை முதல்வர் மு.க.ஸ்டாலின் வழங்கிப் பேசியதாவது: தமிழகத்தில் திமுக அரசு பொறுப்பேற்றதில் இருந்து தற்போது வரை மருத்துவப் பணியாளர் தேர்வாணையத்தின் மூலமாக 1021 பொது உதவி மருத்துவர்கள், 788 சிறப்பு உதவி மருத்துவர்கள், 986 மருந்தாளுநர்கள் உள்பட மொத்தம் 4,264 பணியிடங்களுக்கு தகுதியானவர்கள் தேர்வு செய்யப்பட்டு, அவர்களுக்குப் பணி நியமன ஆணைகள் வழங்கப்பட்டுள்ளன.