பாக்சிங் டே டெஸ்ட்: இங்கிலாந்து வெற்றி

15 ஆண்டுகள் கழித்து ஆஸி.யில் தோல்விக்கு முற்றுப்புள்ளி

- 

மெல்போர்னில் நடைபெற்ற பாக்ஸிங் டே டெஸ்ட் ஆட்டத்தில் இரண்டு நாள்களில் ஆஸ்திரேலியாவை 4 விக்கெட்டுகள் வித்தியாசத்தில் வீழ்த்தி வெற்றி வாகை சூடியது இங்கிலாந்து. இதன் மூலம் ஆஸி. மண்ணில் 18 தோல்விகளுக்கு முற்றுப்புள்ளி வைத்துள்ளது.

பழைமையான கிரிக்கெட் தொடரான ஆஷஸ் டெஸ்ட் இங்கிலாந்து-ஆஸ்திரேலிய அணிகளுக்கு இடையில் பாரம்பரியமாக நடைபெற்று வருகிறது. ஆஸ்திரேலியாவில் தற்போது 5 ஆட்டங்கள் தொடர் நடைபெறும் நிலையில், ஏற்கெனவே தொடரை 3-0 என ஆஸ்திரேலியா கைப்பற்றி விட்டது. பாக்ஸிங் டே டெஸ்ட் எனப்படும் நான்காவது ஆட்டம், மெல்போர்ன் எம்சிஜி மைதானத்தில் வெள்ளிக்கிழமை தொடங்கியது.

2 நாள்களில் 36 விக்கெட்டுகள் சரிவு:

முதல் நாளன்றே மொத்தம் 20 விக்கெட்டுகளும் சரிந்தன.

ஆஸி. 152/10:

முதல் இன்னிங்ஸில் 45.2 ஓவர்களில் 152/10 ரன்களுக்கு ஆஸி. அணி ஆல் அவுட்டானது. அதிகபட்சமாக நெசர் 35, கவாஜா 29 ரன்களை சேர்த்தனர். பௌலிங்கில் இங்கிலாந்து தரப்பில் ஜோஷ் டங் 5/45 விக்கெட்டுகளை வீழ்த்தினார்.

இங்கிலாந்து 110/10:

பின்னர் தனது முதல் இன்னிங்ஸை ஆடிய இங்கிலாந்தும் 29.5 ஓவர்களில் 110/10 ரன்களுக்கு ஆல் அவுட்டானது.