வருமான வரி தாக்கல் செய்யும் முறையை எளிமையாக்க நடவடிக்கை

வருமான வரி தாக்கல் செய்யும் முறையை எளிமையாக்க நடவடிக்கை எடுக்கப்பட்டு வருகிறது என்றார் வருமான வரித்துறையின் மதுரை மண்டல முதன்மை ஆணையர் டி.வசந்தன்.

- 

திருநெல்வேலி, செப். 12:

வருமான வரித்துறை, திருநெல்வேலி மாவட்ட கருவூலம் ஆகியவை சார்பில் வருமான வரி விழிப்புணர்வு கூட்டம், பாளையங்கோட்டையில் வெள்ளிக்கிழமை நடைபெற்றது. கூட்டத்தில் முதன்மை ஆணையர் டி.வசந்தன் கூறியது: 1860 ஆம் ஆண்டில் வருமான வரி முதன்முதலில் அறிமுகமான போது மொத்த வருமான வரி வசூல் ரூ.2.2 லட்சமாக இருந்தது. 2024-25 ஆம் நிதியாண்டில் நம் நாட்டின் நிகர நேரடி வரி வசூல் ரூ.22.26 லட்சம் கோடியை எட்டியுள்ளது. நாட்டின் மொத்த வரி வசூலில் தமிழகத்தின் பங்கு சுமார் 6 சதவீதமாகும். இதன்மூலம் தேசிய அளவில் 4 ஆவது இடத்தில் தமிழகம் உள்ளது.