பஹல்காம் தாக்குதல், வாக்காளர் பட்டியல் தீவிர திருத்தம்

நாடாளுமன்ற மழைக்கால கூட்டத்தொடரில், பஹல்காம் தாக்குதல், பிகார் வாக்காளர் பட்டியல் தீவிர திருத்தம் உள்ளிட்ட விவகாரங்களை எழுப்ப 'இண்டி' கூட்டணி தலைவர்கள் முடிவு செய்துள்ளனர்.

- 

புது தில்லி, ஜூலை 19:

நாடாளுமன்ற மழைக்கால கூட்டத்தொடர் திங்கள்கிழமை (ஜூலை 21) தொடங்கும் நிலையில், காங்கிரஸ், திமுக, சமாஜவாதி, திரிணமூல் காங்கிரஸ் உள்ளிட்ட 24 'இண்டி' கூட்டணி கட்சித் தலைவர்கள் சனிக்கிழமை காணொளி மூலம் ஆலோசனை நடத்தினர்.

மழைக்கால கூட்டத்தொடரில் பஹல்காம் தாக்குதல், வெளியுறவுக் கொள்கை தோல்வி, இந்தியா-பாகிஸ்தான் சண்டையை நிறுத்தியதாக அமெரிக்க அதிபர் டிரம்ப் தொடர்ச்சியாகக் கூறுவது உள்ளிட்ட 8 முக்கிய விவகாரங்களில் அரசை கேள்வி எழுப்புவது தொடர்பாக வியூகங்கள் வகுக்க இந்தக் கூட்டம் நடைபெற்றதாகத் தெரிகிறது.