தமிழக வரலாற்றை மறுதலிக்கிறது மத்திய அரசு

கனிமொழி எம்.பி. குற்றச்சாட்டு

- 

திருநெல்வேலி, ஜூலை 14: தமிழக வரலாற்றைக் கூட மத்திய அரசு மறுதலிக்கும் அவலநிலை உள்ளதாக திமுக துணைப் பொதுச்செயலர் கனிமொழி எம்.பி. குற்றம்சாட்டினார்.

திருநெல்வேலி அருகேயுள்ள செங்குளம் பகுதியில் திங்கள்கிழமை நடைபெற்ற அம்பாசமுத்திரம், நான்குனேரி, ராதாபுரம் சட்டப்பேரவைத் தொகுதிகளுக்கான திமுக பாகமுகவர்கள் ஆலோசனைக் கூட்டத்தில் அவர் பேசியதாவது: தில்லியில் இருப்பவர்களுக்கு சிம்ம சொப்பனமாகத் திகழ்வதோடு, பாஜகவின் பல்வேறு அடக்குமுறைகளை எதிர்த்து கேள்வி கேட்கும் இயக்கமாக திமுக திகழ்கிறது. தமிழர்களை தலைநிமிர்ந்து நிற்கச் செய்யும் முதல்வராக மு.க.ஸ்டாலின் செயல்பட்டு வருகிறார்.

ஓரணியில் தமிழ்நாடு என்பது நம் கட்சியினரை மட்டுமன்றி ஒட்டுமொத்த தமிழக மக்களையும் ஆர்வத்தோடு திமுகவில் இணையச் செய்யும் பணியாகும்.