வெளிநாட்டு கனரக வாகன ஓட்டுநர்களுக்கு விசா நிறுத்தம்

அமெரிக்காவில் வெளிநாட்டு கனரக வாகன ஓட்டுநர்களுக்கு நுழைவு இசைவு (விசா) வழங்குவதை நிறுத்தி வைப்பதாக அந்நாட்டு வெளியுறவுத்துறை அமைச்சர் மார்கோ ரூபியோ அறிவித்துள்ளார்.

- 

வாஷிங்டன், ஆக. 23:

அமெரிக்காவின் புளோரிடா மாகாணத்தில் அண்மையில் நடந்த சாலை விபத்தைத் தொடர்ந்து இந்த முடிவு எடுக்கப்பட்டுள்ளது. அந்த விபத்தில், இந்தியாவைச் சேர்ந்த ஓட்டுநர் ஹர்ஜிந்தர் சிங், தனது கவனக்குறைவால் ஒரு மினிவேன் மீது மோதியதில் மூன்று பேர் உயிரிழந்தனர். ஹர்ஜிந்தர் சிங் சட்டவிரோதமாக அமெரிக்காவில் தங்கியிருந்தது பின்னர் தெரிய வந்தது.

மேலும், ஹர்ஜிந்தர் சிங் தனது வணிக ஓட்டுநர் உரிமத்தை கலிஃபோர்னியாவில் பெற்றுள்ளார். கலிஃபோர்னியா உள்பட சில மாகாணங்கள், குடியுரிமை இல்லாதவர்களுக்கும் ஓட்டுநர் உரிமம் வழங்குகின்றன.