கடந்த ஆண்டும் 1.4 கோடி குழந்தைகளுக்கு ஒரு தடுப்பூசி கூட செலுத்தப்படவில்லை

உலகம் முழுவதும் கடந்த 2024-ஆம் ஆண்டும் 1.4 கோடி குழந்தைகளுக்கும் அதிகமானோருக்கு ஒரு தடுப்பூசிகூட செலுத்தப்படவில்லை என்று ஐ.நா. சுகாதாரத் துறை அதிகாரிகள் தெரிவித்தனர்.

- 

லண்டன், ஜூலை 15:

முந்தைய ஆண்டும் இதே எண்ணிக்கையிலான குழந்தைகள் தடுப்பூசி செலுத்தப்படாமல் இருந்தனர் என்றும் அவர்கள் கூறினர்.

2020-இல் கரோனா பெருந்தொற்று பாதிப்பின்போது அமல்படுத்தப்பட்ட பொது முடக்கத்தின் போது குழந்தைகளுக்கு தடுப்பூசி செலுத்தப்படுவது தடைபட்டது.

அதன் பின்னர் குழந்தைகளுக்கான தடுப்பூசி செலுத்தப்படுவது முந்தைய நிலைக்கு இன்னும் திரும்பவில்லை.