சேலத்தில் காவல் நிலையம் அருகே தூத்துக்குடியைச் சேர்ந்த ரவுடி வெட்டிக் கொலை

சேலம், அஸ்தம்பட்டி காவல் நிலையம் அருகே தூத்துக்குடியைச் சேர்ந்த பிரபல ரவுடி மதன், மர்மக் கும்பலால் செவ்வாய்க்கிழமை காலை வெட்டிக் கொலை செய்யப்பட்டார்.

- 

சேலம், ஜூலை 15:

தூத்துக்குடி மாவட்டம், பெரியார் நகரைச் சேர்ந்த மாடசாமி மகன் மதன் என்கிற அப்பு (28), மீன்பிடிக்கும் தொழில் செய்து வந்தார். இவர் மீது தூத்துக்குடி வடக்கு காவல் நிலையத்தில் குற்ற வழக்குகள் நிலுவையில் உள்ளன.

இந்நிலையில், கடந்த ஏப்ரல் 24 ஆம் தேதி தூத்துக்குடியைச் சேர்ந்த கப்பல் மாலுமி மரடோனா கொலை வழக்கு தொடர்பாக கைது செய்யப்பட்ட மதன், நிபந்தனை ஜாமீனில் வெளியே வந்துள்ளார். இவர் தினமும் காலை, மாலை என இருவேளையும் சேலம் அஸ்தம்பட்டி காவல் நிலையத்தில் கையொப்பமிட வேண்டும் என நீதிமன்றம் உத்தரவிட்டிருந்தது.