பெரும்பான்மையுடன் வெற்றி பெற்று அதிமுக ஆட்சி அமைக்கும்

தமிழகத்தில் பெரும்பான்மை பலத்துடன் அதிமுக வெற்றி பெற்று ஆட்சி அமைக்கும் என்று அதிமுக பொதுச் செயலாளரும், தமிழக எதிர்க்கட்சித் தலைவருமான எடப்பாடி பழனிசாமி கூறினார்.

- 

புதுச்சேரி, ஜூலை 12:

கடலூர் வடக்கு மாவட்ட தொழில் நிறுவனங்களின் கூட்டமைப்பு, சிறு, குறு மற்றும் நடுத்தர தொழில் முனைவோர்கள், விவசாயிகள், வியாபாரிகள் மற்றும் இதர பொதுநல சங்கங்களின் உறுப்பினர்கள் ஆலோசனைக் கூட்டம் புதுச்சேரி பகுதியான பூரணாங்குப்பத்தில் உள்ள தனியார் மண்டபத்தில் சனிக்கிழமை நடந்தது. இதில் எடப்பாடி பழனிசாமி பேசியது:

தமிழகத்தைப் பொறுத்தவரை நான் முதல்வராக இருந்த 4 ஆண்டுகள் 2 மாதம் இக்கட்டான காலகட்டம். வறட்சி, கஜா புயல், கரோனா இந்த மூன்றையும் சமாளித்து எங்களால் முடிந்த அளவு சிறப்பான ஆட்சியைக் கொடுத்துள்ளோம். எங்கள் ஆட்சியில், கரோனா காலத்தில் 11 மாதங்கள் எல்லாமே முடங்கிவிட்டது. விலைவாசி உயராமல் அப்போது பார்த்துக்கொண்டோம். அரசுக்கு ஒரு ரூபாய் கூட வருவாய் இல்லாத காலத்திலும் ரூ.40 ஆயிரம் கோடியை கரோனா முன்னெச்சரிக்கை நடவடிக்கைக்குச் செலவு செய்தோம். ஓர் ஆட்சி எப்படி இருக்க வேண்டும் என்பதற்கு அடையாளமாக கடந்த காலத்தில் நாங்கள் செயல்பட்டோம்.