யஷ்வந்த் வர்மா விவகாரத்தில் தீர்மானம் கொண்டுவராதது ஏன்?: நாடாளுமன்ற குழு கேள்வி

நீதிபதி யஷ்வந்த் வர்மாவுக்கு எதிராக மத்திய அரசு பதவிநீக்க தீர்மானம் கொண்டுவராதது ஏன் என்று நாடாளுமன்ற குழு செவ்வாய்க்கிழமை கேள்வி எழுப்பியது.

- 

புது தில்லி, ஜூன் 24:

தில்லி உயர்நீதிமன்ற நீதிபதியாக யஷ்வந்த் வர்மா (தற்போது அலகாபாத் உயர்நீதிமன்ற நீதிபதி) பதவி வகித்தபோது, அங்கு அவர் வசித்த அதிகாரபூர்வ இல்லத்தில் கடந்த மார்ச் 14-ஆம் தேதி தீ விபத்து ஏற்பட்டது. அப்போது, அங்குள்ள அறையில் பாதி எரிந்த மூட்டைகளில், கட்டுக்கட்டாக பணம் இருந்தது கண்டறியப்பட்டது. அந்த பணம் பின்னர் மாயமானது.

இந்த விவகாரம் குறித்து 2 தலைமை நீதிபதிகள், 1 நீதிபதி அடங்கிய மூவர் குழு, நீதிபதி யஷ்வந்த் வர்மாவுக்கு எதிராக மத்திய அரசு பதவிநீக்க தீர்மானம் கொண்டுவராதது ஏன் என்று விசாரணை அறிக்கையில் தெரிவித்தது. இதையடுத்து அந்த அறிக்கை தொடர்பாகவும், யஷ்வந்த் வர்மாவை பதவி நீக்கம் செய்வதற்கான நடவடிக்கையை மேற்கொள்ள பரிந்துரைத்தும் குடியரசுத் தலைவர் திரௌபதி முர்மு, பிரதமர் நரேந்திர மோடி ஆகியோருக்கு அப்போதைய தலைமை நீதிபதி சஞ்சீவ் கன்னா கடிதம் எழுதினார்.