'ஒரு மாநிலம்-ஒரு ஊரக வங்கி' திட்டம் விரைவில் அமல்?

'ஒரு மாநிலம்-ஒரு பிராந்திய ஊரக வங்கி திட்டத்தை விரைவில் அமல்படுத்த நிதியமைச்சகம் திட்டமிட்டு வருவதாக தகவல்கள் வெளியாகியுள்ளன.

- 

புது தில்லி, ஏப். 6: செலவுகளைக் குறைத்து, செயல்திறனை அதிகரிக்கும் விதமாக தற்போது மொத்தமுள்ள 43 பிராந்திய ஊரக வங்கிகளை (ஆர்ஆர்பி) 28-ஆக குறைக்க முடிவு செய்யப்பட்டுள்ளது.

நாட்டில் தற்போது 28 மாநிலங்களும், 8 யூனியன் பிரதேசங்களும் உள்ளன. ஒரு மாநிலம் அல்லது யூனியன் பிரதேசத்தில் ஒரு ஆர்ஆர்பிக்கு மேல் இருந்தால் அதை ஒருங்கிணைக்கவும் திட்டமிடப்பட்டுள்ளது. அந்த வகையில், பல்வேறு மாநிலங்களில் உள்ள 15 ஆர்ஆர்பிக்கள் ஒருங்கிணைக்கப்படவுள்ளன.

2024, மார்ச் 31 நிலவரப்படி 26 மாநிலங்கள் மற்றும் புதுச்சேரி, ஜம்மு-காஷ்மீர், லடாக் ஆகிய மூன்று யூனியன் பிரதேசங்களில் மொத்தமுள்ள 43 ஆர்ஆர்பிக்கள், 22,069 கிளை வங்கிகள் மூலம் 700 மாவட்டங்களில் செயல்பட்டுவருகின்றன. தொழில்நுட்ப வளர்ச்சியால் பல்வேறு சேவைகளை தங்களது வாடிக்கையாளர்களுக்கு எண்மயமாக்கும் பணிகளை ஆர்ஆர்பி மேற்கொண்டு வருகிறது.