லண்டனில் சிம்பொனி இசை: தில்லியில் இளையராஜாவுக்கு பிரதமர் மோடி பாராட்டு

லண்டனில் அண்மையில் சிம்பொனி வேலி யன்ட் இசை நிகழ்ச்சியை நடத்தியதற்காக இசையமைப்பாளரும், மாநிலங்களவை உறுப்பினருமான இளையராஜாவுக்கு பிரதமர் நரேந்திர மோடி செவ்வாய்க்கிழமை பாராட்டுத் தெரிவித்தார்.

- நமது நிருபர்

நமது நிருபர் புது தில்லி, மார்ச் 18:

மேலும், இசைஞானியான அவரது மேதைமை நமது இசை மற்றும் கலாசாரத்தில் மகத்தான தாக்கத்தை ஏற்படுத்தியுள்ளது என்றும் பிரதமர் கூறினார்.

கடந்த 1976-இல் வெளியான அன்னக்கிளி தமிழ்த் திரைப்படம் மூலம் இசையமைப்பாளராக அறிமுகமான இளையராஜா, திரைப்பட இசைத் துறையில் பல்வேறு புதுமைகளைப் புகுத்தியதன் மூலம் பிரபலமானார். தமிழ், தெலுங்கு, கன்னடம், ஹிந்தி, ஆங்கிலம் என பல்வேறு மொழிகளில் ஆயிரத்துக்கும் மேற்பட்ட திரைப்படங்களுக்கு அவர் இசை அமைத்துள்ளார்.