விஷ்ணுபுரம் சரவணனுக்கு பால புரஸ்கார், லட்சுமிஹருக்கு யுவ புரஸ்கார் விருது

தமிழ் எழுத்தாளர்கள் விஷ்ணுபுரம் சரவணனுக்கு பால புரஸ்கார், லட்சுமிஹருக்கு யுவ புரஸ்கார் விருதை சாகித்திய அகாதெமி புதன்கிழமை அறிவித்தது.

- நமது சிறப்பு நிருபர்

நமது சிறப்பு நிருபர்

புது தில்லி, ஜூன் 18:

மத்திய கலாசார துறையின் கீழ் செயல்படும் சாகித்திய அகாதெமி, சிறந்த இலக்கியப் படைப்பாளிகளுக்கு ஆண்டுதோறும் சாகித்திய விருதுகளை வழங்கி கௌரவித்து வருகிறது. இந்த ஆண்டு 24 மொழிகளில் வெளியாகும் குழந்தைகளுக்கான சிறந்த இலக்கியப் படைப்புகளுக்கு பால சாகித்திய புரஸ்கார் விருதும், 35 வயதுக்குள் பட்ட இளம் எழுத்தாளர்களுக்கு யுவ புரஸ்கார் விருதும் வழங்கப்படுகிறது.

இதையொட்டி, 2025-ஆம் ஆண்டுக்கான சாகித்திய யுவ மற்றும் பால புரஸ்கார் விருதுகளுக்கு தகுதிபெறுவோரைத் தேர்வு செய்வதற்கான நிர்வாகக் குழு கூட்டம், அகாதெமியின் தலைவர் மாதவ் கௌசிக் தலைமையில் புதன்கிழமை நடைபெற்றது. இதில், யுவ புரஸ்காருக்கு 23 எழுத்தாளர்களையும், பால புரஸ்காருக்கு 24 எழுத்தாளர்களையும் தேர்ந்தெடுக்க கூட்டத்தில் ஒப்புதல் தெரிவிக்கப்பட்டது.