பயங்கரவாத எதிர்ப்பு: இந்தியாவுக்கு அமெரிக்கா ஆதரவு

'பயங்கரவாதத்துக்கு எதிரான இந்தியாவின் நடவடிக்கையில் அமெரிக்கா உறுதியுடன் துணை நிற்கும்' என்று அமெரிக்க வெளியுறவுத்துறை இணையமைச்சர் கிறிஸ் டோபர்லண்டா நம்பிக்கை தெரிவித்தார்.

- 

வாஷிங்டன், ஜூன் 7:

அமெரிக்கா சென்ற காங்கிரஸ் எம்.பி. சசி தரூர் தலைமையிலான இந்திய தூதுக்குழுவினருடனான சந்திப்பின்போது இந்தக் கருத்தை கிறிஸ்டோபர் லண்டா வெள்ளிக்கிழமை தெரிவித்தார். பஹல்காமில் பயங்கரவாதத் தாக்குதலுக்குப் பதிலடியாக, பாகிஸ்தான், பாகிஸ்தான் ஆக்கிரமிப்பு காஷ்மீரில் கடந்த மே 7-ஆம் தேதி இந்திய ராணுவம் ஏவு கணைத் தாக்குதலை நடத்தி (ஆபரேஷன் சிந்தூர்), பயங்கரவாத உள்கட்டமைப்புகளை அழித்தது. பின்னர், இரு நாடுகளுக்கும் இடையே 4 நாள்களுக்கு ராணுவ மோதல் ஏற்பட்டு, பாகிஸ்தானின் கோரிக்கையின்பேரில் சண்டை நிறுத்திவைக்கப்பட்டுள்ளது.