நூலகத் துறை சார்பில் உலக புத்தக தின விழா

காஞ்சிரங்கால் அரசு நடுநிலைப் பள்ளியில் மாவட்ட மைய நூலகம், நூலக நண்பர்கள் திட்டத்தின் சார்பில் உலக புத்தக தின விழா புதன்கிழமை நடைபெற்றது.

- 

சிவகங்கை, ஏப். 23:

விழாவுக்கு மாவட்ட சட்டப்பணிகள் ஆணைக் குழுத் தலைவரும், மாவட்ட முதன்மை நீதிபதியுமான கே.அறிவொளி தலைமை வகித்தார். தலைமைக் குற்றவியல் நீதித் துறை நடுவர் ஏ.பசும்பொன் சண்முகையா, செயலரும், சார்பு நீதிபதியுமான வி.ராதிகா ஆகியோர் முன்னிலை வகித்தனர்.

இதில் அரசுப் பள்ளி மாணவர்களுக்கு நூலக நண்பர்கள் திட்டத்தின் சார்பில் மாவட்ட மைய நூலகத்தின் உறுப்பினர் அடையாள அட்டையையும், புத்தகங்களையும் மாணவ, மாணவிகளுக்கு வழங்கிய நீதிபதிகள் வாசிப்பின் அவசியம் குறித்துப் பேசினர்.