ஹிந்தி எதிர்ப்பு நாடகமாடுகிறது திமுக

ஹிந்தி எதிர்ப்பு நாடகத்தை திமுக மீண்டும் தொடங்கியுள்ளது என்று தமிழக பாஜக தலைவர் கே.அண்ணாமலை குற்றம் சாட்டினார்.

- 

சென்னை, பிப். 24:

இதுகுறித்து அவர் திங்கள்கிழமை வெளியிட்ட அறிக்கை: தேசிய கல்விக் கொள்கையில் உள்ள மும்மொழிக்கொள் கையை, ஹிந்தி திணிப்பு என்று பொய் கூறி, திமுகவினர் சிலர் ஹிந்தி எழுத்துகளை அழிக்கிறோம் என்று புறப்பட்டுள்ளனர்.

திமுக தலைவர்களால் நடத்தப்படும் சிபிஎஸ்இ பள்ளிகளில், மாணவர்களுக்கு ஹிந்தி உள்ளிட்ட பிற இந்திய மொழிகள் மற்றும் சர்வதேச மொழிகள் கற்பிக்கப்படுகின்றன. அரசுப் பள்ளிகளில் படிக்கும் மாணவர்களுக்கு மட்டும் மூன்றாவது மொழியைக் கற்கும் உரிமை ஏன் மறுக்கப்படுகிறது?