4 நியமன எம்.பி.க்களின் பங்களிப்புகள்: பிரதமர் மோடி பாராட்டு

மாநிலங்களவை நியமன எம்.பி.க்களாக நியமிக்கப்பட்டுள்ள முன்னாள் வெளியுறவுச் செயலர் ஹர்ஷ்வர்தன் ஷ்ரிங்லா, மூத்த வழக்குரைஞர் உஜ்வல் நிகம், கேரள பாஜக மூத்த தலைவர் சி.சதானந்தன், வரலாற்று ஆய்வாளர் மீனாக்ஷி ஜெயின் ஆகியோரின் துறைசார் பங்களிப்புகளை பிரதமர் மோடி பாராட்டியுள்ளார்.

- 

புது தில்லி, ஜூலை 13: அவர்களின் நாடாளுமன்றப் பணி சிறக்கவும் வாழ்த்து தெரிவித்துள்ளார்.

ஹர்ஷ் வர்தன் ஷ்ரிங்லா: கடந்த 1984-ஆம் ஆண்டின் இந்திய வெளியுறவுப் பணி அதிகாரியான ஹர்ஷ் வர்தன் ஷ்ரிங்லா, கடந்த 2020 முதல் 2022 வரை வெளியுறவுத் துறைச் செயலராகப் பதவி வகித்தவர். கடந்த 2023-இல் ஜி20 இந்தியத் தலைமைக்கு ஒருங்கிணைப்பாளராகச் செயல்பட்டார். அமெரிக்கா, தாய்லாந்து, வங்கதேசம் ஆகிய நாடுகளுக்கான இந்தியத் தூதராகவும் பணியாற்றியவர்.

அவருக்கு புகழாரம் சூட்டி, பிரதமர் மோடி ஞாயிற்றுக்கிழமை வெளியிட்ட எக்ஸ் பதிவில், 'ஷ்ரிங்லா ஒரு ராஜதந்திரி, மதிநுட்பம் கொண்டவர், அறிவுஜீவி. பல ஆண்டுகளாக இந்திய வெளியுறவுக்கொள்கைக்கு முக்கியப் பங்காற்றியவர். அவரது தனித்துவமான கண்ணோட்டங்கள் நாடாளுமன்ற செயல்பாடுகளுக்கு பெரிதும் வளம் சேர்க்கும்' என்று கூறியுள்ளார்.