நாடும் ராணுவமும் பிரதமரின் காலடியில் தலைவணங்குகிறது

பஹல்காம் பயங்கரவாத தாக்குதலுக்குப் பிறகு பாகிஸ்தானுக்கு தக்க பதிலடி கொடுத்ததற்காக, நாடும் ராணுவமும் பிரதமர் நரேந்திர மோடியின் காலடியில் தலைவணங்குகிறது என்று மத்திய பிரதேச துணை முதல்வர் ஜகதீஷ் தேவ்டா வெள்ளிக்கிழமை தெரிவித்த கருத்து சர்ச்சையானது.

- 

ஜபல்பூர், மே 16: பஹல்காம் பயங்கரவாத தாக்குதலுக்குப் பிறகு பாகிஸ்தானுக்கு தக்க பதிலடி கொடுத்ததற்காக, நாடும் ராணுவமும் பிரதமர் நரேந்திர மோடியின் காலடியில் தலைவணங்குகிறது என்று மத்திய பிரதேச துணை முதல்வர் ஜகதீஷ் தேவ்டா வெள்ளிக்கிழமை தெரிவித்த கருத்து சர்ச்சையானது.

இதற்கு காங்கிரஸ் கடும் கண்டனம் தெரிவித்துள்ள நிலையில், தனது கருத்தை எதிர்க்கட்சிகள் தவறாக சித்தரிப்பதாக என்று ஜகதீஷ் தேவ்டா குற்றஞ்சாட்டியுள்ளார்.

பஹல்காம் தாக்குதலுக்குப் பதிலடியாக ஆபரேஷன் சிந்தூரில் பாகிஸ்தானில் உள்ள 9 பயங்கரவாத முகாம்கள் அழிக்கப்பட்டன. இதையடுத்து, பாகிஸ்தானுடனான மோதலில் அந்நாட்டின் ராணுவம் மற்றும் விமானப் படை தளங்கள் தகர்க்கப்பட்டன. பின்னர், இருதரப்பும் புரிந்துணர்வில் சண்டையை நிறுத்திக்கொண்டன.