நிகழாண்டில் புதிதாக 25 சிறு விளையாட்டு அரங்கங்கள்

நிகழாண்டில் 25 மினி விளையாட்டு அரங்கங்களை அமைக்க அறிவிப்பு வெளியிடப்பட உள்ளதாக துணை முதல்வர் உதயநிதி ஸ்டாலின் கூறினார்.

- 

சென்னை, மார்ச் 4: நிகழாண்டில் 25 மினி விளையாட்டு அரங்கங்களை அமைக்க அறிவிப்பு வெளியிடப்பட உள்ளதாக துணை முதல்வர் உதயநிதி ஸ்டாலின் கூறினார்.

தமிழகத்தில் நான்கு சட்டப்பேரவைத் தொகுதிகளில் புதிதாகக் கட்டப்பட்ட ‘முதலமைச்சர் சிறு விளையாட்டு அரங்கங்களை துணை முதல்வர் உதயநிதி ஸ்டாலின் செவ்வாய்க்கிழமை திறந்து வைத்தார்.

இதற்கான நிகழ்ச்சி சென்னை காயிதே மில்லத் அரசு மகளிர் கல்லூரி அருகே புதிதாக அமைக்கப்பட்ட சிறு விளையாட்டு அரங்கில் நடைபெற்றது. அந்த அரங்கத்தை நேரில் திறந்து வைத்ததுடன், சோழவந்தான், காரைக்குடி, ஸ்ரீவைகுண்டம் ஆகிய சட்டப்பேரவைத் தொகுதிகளில் புதிதாகக் கட்டப்பட்ட சிறு விளையாட்டு அரங்குகளை அவர் காணொலி வழியாகத் திறந்தார்.