புயலை எதிர்கொள்ள அரசு தயார்

முதல்வர் ஸ்டாலின்

- 

'டித்வா' புயலை எதிர்கொள்ள தமிழக அரசு தயார் நிலையில் இருப்பதாக முதல்வர் மு.க. ஸ்டாலின் தெரிவித்தார்.

வங்கக் கடலில் உருவான 'டித்வா' புயல் இலங்கையில் இருந்து வடக்கு-வடமேற்கு திசையில் நகர்ந்து தமிழக கடலோரமாக வடக்கு நோக்கி நகரக்கூடும் என்று வானிலை ஆய்வு மையம் தெரிவித்துள்ளது. இதனால், சனி, ஞாயிற்றுக்கிழமைகளில் (நவ. 29, 30) தமிழகத்தில் பலத்த மழை பெய்யக்கூடும் என்று வானிலை ஆய்வு மையம் தெரிவித்துள்ளது.

எனவே, மாநில பேரிடர் மீட்புப் படையின் 16 அணிகளும், தேசிய பேரிடர் மீட்புப் படையின் 12 அணிகளும் காஞ்சிபுரம், திருவள்ளூர், செங்கல்பட்டு, சென்னை, வேலூர், ராணிப்பேட்டை, திருவண்ணாமலை, நாகப்பட்டினம், தஞ்சாவூர், திருவாரூர், புதுக்கோட்டை, மயிலாடுதுறை, கடலூர், விழுப்புரம், திருநெல்வேலி, தூத்துக்குடி ஆகிய மாவட்டங்களுக்கு அனுப்பி வைக்கப்பட்டுள்ளன.