ஆரம்ப சுகாதார நிலையங்களில் பாரம்பரிய மருத்துவ சேவைகள்

பொது சுகாதாரத் துறை புரிந்துணர்வு ஒப்பந்தம்

- 

சென்னை, ஜூலை 17: ஆரம்ப சுகாதார நிலையங்களில் ஆங்கில மருத்துவத்துடன் பாரம்பரிய மருத்துவ சிகிச்சைகளையும் ஒருங்கிணைந்து வழங்க பொது சுகாதாரத் துறை முடிவு செய்துள்ளது.

அதன்படி, இந்திய மருத்துவம் மற்றும் ஹோமியோபதி ஆணையத்துடனும், தேசிய சித்தா ஆராய்ச்சி நிறுவனத்துடனும் புரிந்துணர்வு ஒப்பந்தம் மேற்கொள்ளப்பட்டுள்ளது.

தமிழகத்தில் 6,000-க்கும் மேற்பட்ட ஆரம்ப சுகாதார நிலையங்கள் உள்ளன. அதன்கீழ் தாய்-சேய் நல சிகிச்சைகள், தடுப்பூசி சேவைகள் உள்பட அனைத்து விதமான தொடக்க நிலை சிகிச்சைகள் வழங்கப்படுகின்றன.

மேலும், மாரடைப்பு ஏற்பட்டால் வழங்கப்படும் உயிர்காக்கும் மருந்துகளும் (லோடிங் டோஸ்), பாம்புக்கடி மற்றும் நாய்க்கடிக்கான தடுப்பூசிகளும் அங்கு வழங்கப்படுகின்றன.