எத்தனை தொகுதிகளில் பாஜக போட்டி? அமைச்சர் நமச்சிவாயம் விளக்கம்

புதுவையில் எத்தனை சட்டப்பேரவைத் தொகுதிகளில் பாஜக போட்டியிடும் என்பதை கூட்டணி கட்சித் தலைவர்கள் கூடி முடிவு செய்வார்கள் என்று உள்துறை அமைச்சரும் அக் கட்சியின் தேசிய பொதுக்குழு உறுப்பினருமான ஆ. நமச்சிவாயம் கூறினார்.

- 

புதுச்சேரி, ஜூலை 2:

பாஜக புதுவை தலைவராகத் தேர்வு செய்யப்பட்டுள்ள வி.பி. ராமலிங்கத்தை அவரது இருக்கையில் அமர வைக்க கட்சி அலுவலகத்துக்கு அமைச்சர் நமச்சிவாயம் புதன்கிழமை வந்தார். அப்போது செய்தியாளர்களிடம் அவர் கூறியது பாஜக தலைவர் தேர்தலில் ஒருமனதாக போட்டியின்றி வி.பி.ராமலிங்கம் தேர்வு செய்யப்பட்டார்.

இதையொட்டி அவர் அலுவலகத்தில் தன் பணியைத் தொடங்கியுள்ளார். இது பாஜகவை புதுச்சேரியில் மேலும் வலுப்படுத்த ஏதுவாக இருக்கும்.