சிதம்பரம் ஸ்ரீநடராஜர் கோயில் தேரோட்டம்

இன்று ஆனித் திருமஞ்சன தரிசனம்

- 

சிதம்பரம், ஜூலை 1: சிதம்பரம் ஸ்ரீநடராஜர் கோயில் ஆனித் திருமஞ்சன உற்சவத்தையொட்டி செவ்வாய்க்கிழமை தேரோட்டம் நடைபெற்றது. ஆயிரக்கணக்கான பக்தர்கள் தேர்களை வடம் பிடித்து இழுத்தனர்.

புதன்கிழமை (ஜூலை 2) அதிகாலை மகாபிஷேகமும், பிற்பகல் 3 மணிக்கு மேல் ஆனித்திருமஞ்சன தரிசனமும் நடைபெறும்.

சிதம்பரம் நடராஜர் கோயிலில் கடந்த 23-ஆம் தேதி கொடியேற்றத்துடன் ஆனித் திருமஞ்சன தரிசன உற்சவம் தொடங்கியது.

9-ஆம் நாளான செவ்வாய்க்கிழமை நடைபெற்ற தேர்த்திருவிழாவையொட்டி, சித் சபையில் உள்ள மூலவர்களான ஸ்ரீமந் நடராஜமூர்த்தி, ஸ்ரீசிவகாமசுந்தரி மற்றும் உற்சவர்கள் ஸ்ரீசுப்பிரமணியர், ஸ்ரீவிநாயகர், ஸ்ரீசண்டிகேஸ்வரர் ஆகியோர் தனித்தனி தேர்களில் அதிகாலை எழுந்தருளினர்.