சர்வதேச போதைப்பொருள் ஒழிப்பு தின பேரணி

புதுவை துணைநிலை ஆளுநர், முதல்வர் பங்கேற்பு

- 

புதுச்சேரி, ஜூன் 26: புதுச்சேரியில் காவல் துறை சார்பில் சர்வதேச போதைப் பொருள்கள் ஒழிப்பு தின விழிப்புணர்வு பேரணி வியாழக்கிழமை நடைபெற்றது. இதில் துணைநிலை ஆளுநர், முதல்வர் ஆகியோர் கலந்து கொண்டனர்.

இந்நிகழ்ச்சியில், புதுவை துணை நிலை ஆளுநர் கே. கைலாஷ்நாதன் பங்கேற்று, போதைப் பொருள் ஒழிப்பு விழிப்புணர்வுப் பேரணியைத் தொடங்கி வைத்தார்.

புதுச்சேரி கடற்கரை சாலையில் தொடங்கிய இந்தப் பேரணி, முக்கிய வீதிகள் வழியாகச் சென்று காந்தி திடலில் நிறைவடைந்தது.

துணைநிலை ஆளுநர் கே. கைலாஷ்நாதன் போதைப்பொருள் ஒழிப்பு உறுதிமொழியை வாசிக்க, அதிகாரிகள், மாணவர்கள் உள்ளிட்ட அனைவரும் அதனை திரும்பிக் குறி உறுதிமொழி ஏற்றுக் கொண்டனர்.