பாகிஸ்தான் ராணுவத்துக்கு ஆதரவாக பயங்கரவாத அமைப்பு ஊர்வலம்

50 நகரங்களில் நடைபெற்றது

- 

லாகூர், மே 29: பாகிஸ்தான் ராணுவத்துக்கு ஆதரவாக பயங்கரவாதி ஹஃபீஸ் சயீதின் ஜமாத்-உத்-தாவா பயங்கரவாத அமைப்பின் அரசியல் பிரிவான பாகிஸ்தான் மர்கஸி முஸ்லிம் லீக் சார்பில் 50 நகரங்களில் ஊர்வலம் நடைபெற்றது.

2008 மும்பை பயங்கரவாதத் தாக்குதலில் முக்கிய குற்றவாளியான ஹஃபீஸ் சயீத் இப்போது லாகூர் நகரில் பாதுகாப்பாக வாழ்ந்து வருகிறார் என்பது குறிப்பிடத்தக்கது.

கடந்த 1998-ஆம் ஆண்டு மே 28-ஆம் தேதி 6 அணு ஆயுத சோதனைகளை பாகிஸ்தான் நடத்தியது. இதன் மூலம் அணு ஆயுத பலமுள்ள 7-ஆவது நாடு என்ற பெயரை பாகிஸ்தான் பெற்றது. அந்த நிகழ்வை முன்னிட்டு, அண்மையில் இந்தியாவுடன் நடைபெற்ற மோதலை திறம்பட எதிர்கொண்ட பாகிஸ்தான் ராணுவத்தை பாராட்டும் வகையில் பயங்கரவாத அமைப்பினர் இந்த ஊர்வலத்துக்கு ஏற்பாடு செய்திருந்தனர்.