தமிழக மக்களின் அச்சத்தை பிரதமர் போக்க வேண்டும்

தொகுதி மறுசீரமைப்பு விவகாரத்தில் தமிழக மக்களின் நியாயமான அச்சத்தை பிரதமர் நரேந்திர மோடி போக்க வேண்டும் என முதல்வர் மு.க.ஸ்டாலின் கூறினார்.

- 

உதகை, ஏப். 6:

நீலகிரி மாவட்டம், உதகைக்கு இரண்டு நாள்கள் பயணமாக சனிக்கிழமை வந்த முதல்வர் மு.க.ஸ்டாலின், உதகையில் ரூ.143.69 கோடி செலவில் 700 படுக்கை வசதிகளுடன் கட்டப்பட்டுள்ள நீலகிரி அரசு மருத்துவக் கல்லூரி மருத்துவமனை, பணியாளர்களுக்காக ரூ.200 கோடி செலவில் கட்டப்பட்டுள்ள குடியிருப்புக் கட்டடங்களை ஞாயிற்றுக்கிழமை திறந்து வைத்தார்.

பின்னர், உதகை அரசு கலைக்கல்லூரியில் நடைபெற்ற அரசு விழாவில், ரூ.494 கோடி செலவில் மேற்கொள்ளப்பட்டு முடிவுற்ற 1,703 பணிகளைத் திறந்து வைத்து, ரூ.130 கோடி மதிப்பீட்டிலான 56 புதிய திட்டப் பணிகளுக்கு அடிக்கல் நாட்டி, ரூ.102 கோடி மதிப்பிலான அரசு நலத்திட்ட உதவிகளை 15,634 பயனாளிகளுக்கு வழங்கினார்.