இந்தியா-நியூஸிலாந்து தடையற்ற வர்த்தக ஒப்பந்தம் அடுத்த 2 மாதங்களில் கையொப்பம்

இந்தியாவுடன் அடுத்த 2 மாதங்களில் தடையற்ற வர்த்தக ஒப்பந்தத்தில் கையொப்பமிட ஆவலுடன் இருப்பதாக நியூஸிலாந்து பிரதமர் கிறிஸ்டோபர் லக்ஸன் செவ்வாய்க்கிழமை தெரிவித்தார்.

- 

புது தில்லி, மார்ச் 18:

நியூஸிலாந்து பிரதமர் கிறிஸ்டோபர் லக்ஸன் 4 நாள்கள் பயணமாக கடந்த ஞாயிற்றுக்கிழமை இந்தியா வந்தார். இதனிடையே, இருதரப்பு வர்த்தக மற்றும் பொருளாதார உறவுகளை மேம்படுத்துவதற்காக முன்மொழியப்பட்ட தடையற்ற வர்த்தக ஒப்பந்தத்தை 10 ஆண்டு இடைவேளைக்குப் பிறகு மீண்டும் தொடங்குவதாக இந்தியாவும் நியூஸிலாந்தும் கடந்த ஞாயிற்றுக்கிழமை அறிவித்தன.

இந்த ஒப்பந்தம் செயல்பாட்டுக்கு வரும் சூழலில் 10 ஆண்டுகளில் இருதரப்பு வர்த்தகம் 10 மடங்கு அதிகரிக்கும் என்று எதிர்பார்க்கப்படுகிறது.

இந்நிலையில், இந்திய வர்த்தக மற்றும் தொழில்துறை கூட்டமைப்பு (எஃப்ஐசிசிஐ) ஏற்பாடு செய்த இந்தியா-நியூஸிலாந்து பொருளாதார உச்சி மாநாட்டில் பிரதமர் கிறிஸ்டோபர் லக்ஸன் செவ்வாய்க்கிழமை பங்கேற்று உரையாற்றினார்.