நியூஸிலாந்து வெற்றியை தாமதமாக்கும் மேற்கிந்தியத் தீவுகள்

நியூஸிலாந்துக்கு எதிரான முதல் டெஸ்ட்டில் 531 ரன்கள் என்ற இமாலய வெற்றி இலக்கை நோக்கி விளையாடி வரும் மேற்கிந்தியத் தீவுகள், வெள்ளிக்கிழமை முடிவில் 4 விக்கெட்டுகள் இழப்புக்கு 212 ரன்கள் எடுத்துள்ளது.

- 

தங்களுக்கு வெற்றி கடினம் என்பதை உணர்ந்த அந்த அணி, நியூஸிலாந்தின் வெற்றியை தாமதப்படுத்தி வருகிறது. ஷாய் ஹோப், ஜஸ்டின் கிரீவ்ஸ் கூட்டணி விட்டுக் கொடுக்காமல் விளையாடுகிறது.

கிறைஸ்ட்சர்ச்சில் கடந்த செவ்வாய்க்கிழமை தொடங்கிய ஆட்டத்தில் முதலில் பேட் செய்த நியூஸிலாந்து 231 ரன்களுக்கு ஆட்டமிழக்க, மேற்கிந்தியத் தீவுகளோ 167 ரன்களுக்கே சுருண்டது.

இதையடுத்து, 64 ரன்கள் முன்னிலையுடன் 2-ஆவது இன்னிங்ஸை தொடங்கிய நியூஸிலாந்து, வியாழக்கிழமை ஆட்டநேர முடிவில் 4 விக்கெட்டுகள் இழப்புக்கு 417 ரன்கள் சேர்த்திருந்தது.